<div>इन्टर मिलान इटालीको सिरी ए मा च्याम्पियन हुने बाटोको निकै नजिक पुगेको छ । उसले सानसिरोमा भएको शुक्रबारको खेलमा कागलिरीलाई सजिलै ३–० ले हरायो र शीर्ष स्थानमा १२ अंकको अग्रता लियो ।</div><div> </div><div> </div><div>लिग तालिकामा इन्टरको ७८ अंक भएको छ । नेपोली भने ६६ अंकमा छ । यस्तै कागलिरी ३३ अंकमा १६ औं स्थानमा छ । इन्टरका लागि मार्कस थुराम, निकोलो बरेला र पिट्र जेलेन्स्कीले एक एक गोल गरे । </div><div> </div><div> </div><div>नेपोलीले शनिबार लाजियोविरुद्ध खेल्दैछ । त्यस खेलमा नेपोली विजयी रहने भने इन्टरले अर्को साता टुरिनोलाई हराएर उपाधि आफ्नो बनाउन सक्नेछ । त्यसका लागि नेपोली त्यसै साता हुने खेलमा क्रेमोन्सेविरुद्धको खेलमा जितहीन हुनु पर्नेछ ।</div>

इन्टर च्याम्पियन हुने बाटोमा

इन्डियन प्रिमियर लिग (आईपीएल) २०२६ मा सबैभन्दा खराव लयमा रहेको कोलकाता नाइटराइर्ड शुक्रबार पनि पराजित रह्यो । यसपल्ट उसलाई गुजरात टाइटन्सले पाँच विकेटले हराएको हो, दुई बलको खेल बाँकी छँदै । अजमदावादमा भएको खेलमा कोलकाताले पहिले ब्याटिङ गर्दै सबै विकेट गुमाएर १ सय ८० रन बनाएको थियो । त्यसमा क्यामरुन ग्रिनले सर्वाधिक ७९ रन बनाए । जवाफमा गुजरातले पाँच विकेट गुमाएर १९.४ ओभरमा १ सय ८१ रन बनायो । यसमा भने कप्तान शुभमन गिलले सर्वाधिक ८६ रन बनाए । जितपछि गुजरात छ अंकमा चौथो स्थानमा उक्लेको छ । अहिलेसम्म जितविहीन कोलकाता भने एक अंकमा दसौं स्थानमा छ ।

कोलकाता हारेको हार्‍यै

काठमाडौं। प्रधानमन्त्री कप एकदिवसीय राष्ट्रिय क्रिकेट प्रतियोगिताको फाइनलमा त्रिभुवन आर्मी क्लबले सुदूरपश्चिम प्रदेशलाई ५ विकेटले पराजित गर्दै उपाधि जितेको छ।&nbsp; आर्मीले ९३ बल बाँकी रहँदा ५ विकेटले सहज जित निकाल्दै प्रतियोगिताको च्याम्पियन बनेको हो। पहिले ब्याटिङ गरेको सुदूरपश्चिम प्रदेशले ३९ दशमलव ४ ओभरमा सबै विकेट गुमाउँदै १६१ रन बनाएको थियो।&nbsp; सुदूरपश्चिमका लागि किरण ठगुन्नाले ३५, नारायण जोशीले २९ र अशोक धामीले ४३ रनको योगदान दिएका थिए। अन्य ब्याट्सम्यानले उल्लेखनीय प्रदर्शन गर्न सकेनन्। आर्मीकाआकाश चन्द र शहाब आलमले समान ३–३ विकेट लिए भने बसिर अहमदले २ तथा कुशल मल्लले १ विकेट हात पारे। सुदूरले दिएको १६२ रनको लक्ष्य पछ्याएको आर्मीले ३४ दशमलव ३ ओभरमा ५ विकेट गुमाउँदै लक्ष्य पूरा गर्यो। आर्मीका लागि इमरान शेख ४६ रनमा अविजित रहे भने बसिर अहमदले ४५ रनको महत्वपूर्ण योगदान दिए। त्रित राज दासले ३१ रन बनाए। सुदूरपश्चिमका हेमन्त धामीले २ विकेट लिए भने बिकाश आग्री, शेर मल्ल र अशोक धामीले समान १–१ विकेट लिए। यस जितसँगै आर्मीले प्रधानमन्त्री कपको उपाधि तेस्रो पटक जितेको छ।&nbsp;

सुदूरलाई हराउँदै आर्मी च्याम्पियन

पोखरा। १०औं पोखरा स्पोर्ट्स अवार्डमा केल्मी नेपालले सह–प्रायोजकका रुपमा साथ दिने भएको छ।&nbsp; स्पेनको खेलकुद ब्राण्ड केल्मीको नेपालका लागि आधिकारीक विक्रेता कामरु ट्रेडिङ प्रा.लि. र पोखरा स्पोर्ट्स अवार्ड आयोजक नेपाल खेलकुद पत्रकार मञ्च गण्डकीबीच सम्झौता भएको हो।&nbsp; सम्झौतामा केल्मी नेपालका प्रवन्ध निर्देशक उत्तम न्यौपाने र नेपाल खेलकुद पत्रकार मञ्च गण्डकीका अध्यक्ष एमबी आस्थाले हस्ताक्षर गरे। सो अवसरमा केल्मी नेपालका प्रवन्ध निर्देशक न्यौपानेले केल्मी नेपालले खेलकुदको क्षेत्रमा साथ, सहयोग र सहकार्य गर्दै आइरहेको तथा पर्यटकीय राजधानी पोखरामा आयोजना हुने १०औं पोखरा स्पोर्ट्स अवार्डमासमेत सहयोग रहने प्रतिवद्धता ब्यक्त गरे।&nbsp; उनले गण्डकी प्रदेशका खेलाडीहरुलाई लक्षित गरि आयोजना गरेको अवार्डको सफलताको कामनासमेत गरे। केल्मी नेपालले केल्मी ब्राण्डको फुटबल, फुटसल जुत्ता, खेलकुद कपडा जर्सी, ट्रयाकसुट, शर्ट, खेलकुदका सामाग्रीहरु ब्याग मोजाको विक्री वितरण गर्दै आइरहेको र विशेषगरी नेपाली खेलाडी र क्लबहरुले बढी मात्रामारुचाएको न्यौपानेको भनाई थियो। मञ्चका अध्यक्ष एमबी आस्थाले अन्तराष्ट्रिय ब्राण्ड केल्मीको आधिकारीक बिक्रेता केल्मी नेपालसँग सहकार्य गर्न पाउदा खुसी लागेको बताए।&nbsp; विभिन्न आठ विद्यामा आयोजना हुने पोखरा स्पोर्ट्स अवार्डमा केल्मी संग सहकार्य गरेरअगाडी बढ्न पाउदा खेलकुद क्षेत्रमा साथ र सहयोग गर्दै आइरहेको केल्मी प्रति आभारप्रकट गरे।&nbsp; रारा तैयारी चाउचाउ मुख्य प्रायोजक रहेको अवार्ड कार्यक्रम वैशाख १८ गते पोखरा इभेन्ट सेन्टरमा हुनेछ। विभिन्न आठ विधामा अवार्ड प्रदान गरिदै छ। जसमा लाइफटाईम एचिभमेन्ट अवार्ड, वर्ष उत्कृष्ट प्रशिक्षक, वर्ष उत्कृष्ट खेलाडी पुरुष, वर्ष उत्कृष्ट महिला, वर्ष उदियमान खेलाडी, वर्ष उत्कृष्ट खेल संघ संस्था, पिपुल्स च्वाइस अवार्ड र वर्ष उत्कृष्ट खेल पत्रकार छन्।&nbsp; पिपुल्स च्वाइस अवार्डलाई गुरुङ गहना घर प्रालिले स्कुटर प्रायोजन गरेको छ। यस्तै, गण्डकी प्रदेश सरकार, प्रदेश खेलकुद परिषद् गण्डकी, पोखरा महानगरपालिका, राष्ट्रिय खेलकुद परिषद काठमाडौं, केल्मी नेपाल, नेपाल खेलकुद पत्रकार मञ्च काठमाडौं, होटल क्राउन प्लाजा काठमाडौं, जिल्ला खेलकुद बिकास समिति कास्की, बुल्स मेन क्लबका संस्थापक इश्वर गुरुङ (हङकङ), रुपा गाउँपालिका, मादी गाउँपालिका, अन्नपूर्ण गाउँपालिका र माछापुच्छ्रे गाउँपालिकाको विशेष सहयोग रहेको छ।&nbsp; त्यसैगरी सहयोगीहरुमा सहारा क्लब, टाइगरग्रुप अफ पोखरा, तमु धिँ युके, मञ्चका पूर्व अध्यक्ष प्रेम नारायण न्यौपाने, पत्रकारमहासंघ जापानका पूर्व अध्यक्ष तथा मञ्चका पूर्व अध्यक्ष मोहन घले, विनोद गुरुङ, युवराज गुरुङ (जापान), निशान रानामगर, रमेशकुमार गुरुङ, पूर्व राष्ट्रिय खेलाडी बसन्त गौचन, किरण थापा (अष्ट्रेलिया) र राइनो हस्पिटालिटी एण्ड होटल म्यानेजमेन्ट प्रालि राइनो क्याफे एण्ड शवार्मा स्टेशन रहेका छन्। अन्य सहयोगी संघ संस्थाको सहयोग आउने क्रम जारी रहेको छ।&nbsp;

१०औं पोखरा स्पोर्ट्स अवार्डको सह-प्रायोजकमा केल्मी नेपाल

काठमाडौं। आईसीसी पुरुष क्रिकेट विश्वकप लिग–२ अन्तर्गत नेपाल, यूएई र ओमानबीच हुने शृंखलाका लागि नेपाली टोली घोषणा भएको छ।&nbsp; नेपाल क्रिकेट संघ (क्यान)ले शुक्रबार रोहित पौडेलको कप्तानमा अन्तिम टोली घोषणा गरेको हो। टोलीमा उपकप्तानको जिम्मेवारी दीपेन्द्र सिंह ऐरीले सम्हाल्ने छन्। यस्तै, टोलीमा कुशल भुर्तेल, आसिफ शेख, भीम सार्की, आरिफ शेख, बसिर अहमद, गुल्शन झा, सोमपाल कामी, सन्दीप लामिछाने, ललित राजवंशी, विनोद भण्डारी, नन्दन यादव, अर्जुन कुमाल र करण केसी छन्। वैकल्पिक खेलाडीमा हेमन्त धामी, शेर मल्ल, रिजन ढकाल, ईशान पाण्डे र देव खनाल छन्।

यूएई र ओमानविरुद्ध खेल्न नेपालको टोली घोषणा

काठमाडौं। नेपाल–यूएई अन्डर लाइट्स टी–२० अन्तर्राष्ट्रिय शृंखलाअन्तर्गत हुने टी–२० अन्तर्राष्ट्रिय शृंखलाका लागि नेपालले आफ्नो टिम घोषणा गरेको छ। कप्तानमा दीपेन्द्र सिंह ऐरी चयन हुँदा टोलीमा अनुभवी र युवा खेलाडीको राम्रो समिश्रण देखिएको छ। टोलीमा स्टार लेग स्पिनर सन्दीप लामिछाने, ओपनर कुशल भुर्तेल, अलराउन्डर कुशल मल्ल तथा आक्रामक ब्याटर सन्दीप जोरा समावेश छन्। विकेटकिपरको जिम्मेवारी आसिफ शेखले सम्हाल्नेछन् भने बसिर अहमद, गुल्शन झा र लोकेश बम रहेका छन्। त्यसैगरी टोलीमा नन्दन यादव, सन्तोष यादव, अर्जुन साउद, हेमन्त धामी, शाहब आलम र शेर मल्ल पनि परेका छन्। नेपाल क्रिकेट संघ ९क्यान०ले सार्वजनिक गरेको यस टोलीमा वैकल्पिक खेलाडीका रूपमा प्रतिश जीसी, नारायण जोशी र राशिद खान राखिएका छन्।

दीपेन्द्रको कप्तानीमा टी २० टोली घोषणा

युरोपा लिगको एउटा सेमिफाइनलमा दुई इग्लिस क्लब भिड्ने तय भएको छ । बिहीबार तय समीकरण अनुसार नटिंघम फरेस्टले एस्टन भिल्लाको सामना गर्न लागेको हो । अर्को सेमिफाइनलमा भने ब्राग र फ्रेबर्ग खेल्नेछन् । फरेस्टले पोर्टोलाई क्वाटरफाइनल दोस्रो लेगमा १–० ले हराएर समग्रमा २–१ को अग्रता लियो । त्यसमा मोर्गन गिब्सले निर्णायक गोल गरे । भिल्लाले भने बोलोग्नालाई सजिलै ४–० ले हरायो र समग्रमा ठोस ७–१ को अग्रता लियो । ब्रागले रियल बेटिसलाई ४–२ ले हराएर समग्रमा रोमाञ्चक ५–३ को अग्रता लियो । फ्रेबर्गले भने सेल्टा भिगोलाई ३–१ ले पराजित गर्दै ६–१ को ठूलो अग्रता प्राप्त गर्‍यो ।

युरोपा लिगको सेमिफाइनल समीकरण पूरा

युरोपेली क्लब फुटबलको तेस्रो ठूलो प्रतियोगिता कन्फ्रेन्स लिगमा बिहीबार सेमिफाइनल समीकरण पूरा भएको छ र त्यसमा क्रिस्टल प्यालेसको चुनौती कायम रह्यो । उसले साख्तर डोनेस्कको सामना गर्नेछ । अर्को सेमिफाइनलमा भने रायो भालेकानोको सामना स्ट्रसबर्ग खेल्नेछन् । दुई लेगको क्वाटरफाइनलमा समग्रमा साख्तरले एजेलाई ५–२ र प्यालेसले फियोरेन्टिनालाई ४–२ ले पराजित गर्‍यो । यस्तै समग्रमा भालेकानाले एईके एथेन्सलाई ४–३ र स्ट्रसबर्गले मेन्जलाई ४–२ ले हारायो ।

प्यालेसको चुनौती कायम

पंजाव किंग्सले बिहीबार इन्डियन प्रिमियर लिग (आईपीएल) २०२६ मा मुम्बई किंग्सलाई सजिलै सात विकेटले हरायो । वानखेडेमा भएको खेलमा जितका लािग १ सय ९६ रन पछ्याएको पंजावले तीन विकेट मात्र गुमाएर १ सय ९८ रन बनायो । त्यसमा प्रभसिमरम सिंहले ८० रनको योगदान दिए । उनले ३९ बलको मात्र सामना गरे र ११ चौका तथा दुई छक्का प्रहार गरे । कप्तान श्रेयष अयरले भने ६६ रनको योगदान गरे । त्यस अगाडि मुम्बईले क्विटन डे ककको १ सय १२ रनको मदतले छ विकेटमा १ सय ९५ रन बनाएको थियो । उनले ६० बलको सामना गरे र यसक्रममा आठ चौका र सात छक्का प्रहार गरे । &nbsp; यो जितपछि पंजावको पाँच खेलबाट नौ अंक भएको छ । मुम्बई भने कमजोर प्रदर्शन गर्दै दुई अंकमा नवौं स्थानमा छ ।&nbsp;

मुम्बईको कमजोर प्रदर्शनमा पंजाव अगाडि

काठमाडौं। साउदी प्रो लिग अन्तर्गत अल नासरले अल एत्तिफाकलाई पराजित गर्दै महत्वपूर्ण तीन अंक जोडेको छ। खेलमा अल नासरका किङ्स्ले कोमानले ३१औं मिनेटमा गरेको गोल नै निर्णायक बन्यो। यस जितसँगै अल नासरले साउदी प्रो लिगमा २९ खेलबाट ७६ अंक जोडेको छ। यो दोस्रो स्थानमा रहेको अल हिला भन्दा ८ अंकले बढी हो। खेलको अन्त्यतिर अल एत्तिफाकका ज्याक हेन्ड्रीले इन्जुरी समयमा रातो कार्ड पाउँदै टोली १० खेलाडीमा सीमित भएको थियो। खेलभरि दुवै टोलीले केही परिवर्तन गरेका थिए। अल नासरका आयमान याह्या, साद अल नासेर, सुल्तान अल घान्नाम, अब्दुल्लाह अल हमदान र अब्दुलरहमान घरेब मैदान प्रवेश गरेका थिए। यस्तै अल एत्तिफाकका मुख्तार अली, जलाल अल सलेम र अब्दुल्लाह अल घाम्दी पनि सब्स्टिच्युटका रूपमा मैदान उत्रिएका थिए।

Nepalsports

Live Match

📰 Recent News

⚽ Football Matches

📰 All News and Transfer Today

Nepalsports