लाकुरुनासँग लेभान्टेको बराबरी

लेभान्टेले स्पेनी ला लिगामा शुक्रबार डेपोर्टिभो लाकुरुनालाई १–१ को बराबरीमा रोकेको छ । बिल एनसोन्गोको गोलमा लाकुरुनाले ६५ औं मिनेटमा अग्रता लिएको थियो, तर त्यसलाई कायम राख्न सकेन् ।

भ्रमणकारी लेभान्टेका लागि डानी रेक्वेनाले ८२ औं मिनेटमा बराबरी गोल फर्काए । यो नतिजापछि लाकुरुना नौ खेलबाट ११ अंकमा आठौं स्थानमा रह्यो । लेभान्टे भने आठ खेलबाट सात अंकमा १७ औं स्थानमा रहेको छ ।

शुक्रबार नै जर्मन बुंडेसलिगामा इन्ट्राख्ट फ्रायन्कफर्टले एफसी कोलोनलाई १–० ले हरायो भने इटालीको सिरी ए मा फ्रोसिनले ससुलोलाई ४–२ ले पराजित गर्‍यो ।