काठमाडौं। साउदी क्लब अल–नासरले एएफसी कपमा फराकिलाे जित हासिल गरेकाे छ।&nbsp; ताजिकिस्तानको इस्तिकलोललाई रियाधमा बुधबार सम्पन्न खेलमा नासरले ५–० ले पराजित गरेको हो।&nbsp; नियमित कप्तान क्रिस्टियानो रोनाल्डोलाई आराममा दिएकाे खेलमा नासरकाे जितमा लिभरपुल पूर्वस्टार साडियो मानेले खेलको अन्त्यतिर गोल गर्दै जितलाई थप फराकिलो बनाए। त्यसअघि किङ्स्ले कोमन, अब्दुर्रहमान घारीब र ब्राजिली खेलाडी वेस्ली तथा एन्जेलोले गोल गरेका थिए।

अल नासरको फराकिलो जित

काठमाडौँ। साफ यु-१७ च्याम्पियनसिप अन्तर्गत नेपालले आज बंगलादेशसँग खेल्दैछ। श्रीलंकाकाे कोलोम्बो रेसकोर्स स्टेडियममा हुने खेल नेपाली समयअनुसार आज साँझ ७:१५ बजेदेखि सुरु हुँदैछ। नेपालले यसअघि आफ्नाे पहिलाे खेलमा घरेलु टाेली श्रीलंकालाई २-० ले पराजित गर्दै प्रतियोगितामा विजयी सुरुआत गरेकाे थियाे। सेप्टेम्बर १५ देखि २७, २०२५ सम्म श्रीलंकामा आयोजना हुने साफ यु–१७ च्याम्पियनसिपमा नेपालसहित बंगलादेश, श्रीलंका, भारत, पाकिस्तान, भुटान र माल्दिभ्स खेल्दैछन्। नेपाल समुह ए मा श्रीलंका र बंगलादेशसँग रहेको छ। त्यस्तै समुह बी मा भारत, पाकिस्तान, भुटान र माल्दिभ्स रहेका छन्।

साफ यु-१७ च्याम्पियनसिप: नेपाल र बंगलादेश खेल्दै

काठमाडौं। क्रिकेट वेस्ट इन्डिजले संयुक्त अरब इमिरेट्स (यूएई)मा हुन लागेको नेपालविरुद्धको टी२० क्रिकेटका लागि १५ सदस्यीय टोलीको घोषणा गरेको छ। टिममा उदीयमान र भेट्रान खेलाडीहरूलाई समावेश गरिएको छ। नेपालविरुद्धको सिरिजका लागि अकिल होसिनलाई कप्तान बनाइएको छ। टिममा ६ जना सम्भावित डेब्यु खेलाडीहरू समावेश छन्। यो सिरिजलाई आईसीसी टी२० विश्वकपको तयारीको रुपमा लिइएको छ।&nbsp; वेस्ट इन्डिजको टोलीःअकिल होसिन (कप्तान), फाबियन एलन, ज्वेल एन्ड्र्यू, अकीम अगुस्ते, नभिन बिडाइसे, जेदियाह ब्लेड्स, केसी कार्टी, करिमा गोर, जेसन होल्डर, अमिर जङ्गु, काइल मायर्स, ओबेड म्याककॉय, जिशान मोटारा, रेमन सिमन्ड्स, शमार स्प्रिङ्गर खेल तालिका&nbsp;पहिलो टी२०आईः सेप्टेम्बर २७, २०२५, शारजाह, यूएईदोस्रो टी२०आईः सेप्टेम्बर २९, २०२५, शारजाह, यूएईतेस्रो टी२०आईः सेप्टेम्बर ३०, २०२५, शारजाह, यूएई

नेपालविरुद्ध खेल्ने वेस्ट इन्डिजको टिमको घोषणा

लिभरपुलले फेरि एकपल्ट इन्ज्युरी समयको गोलमा जित निकालेको छ र यसपल्ट उसले युरोपली च्याम्पियन्स लिगमा एटलेटिको म्याड्रिडलाई ३–२ ले हराएको हो । डिफेन्डिङ च्याम्पियन पेरिस सेन्ट जर्मेन (पीएसजी) ले पनि एटलान्टामाथि ४–० को प्रभावशाली जित रचेको छ । शानदार जित निकाल्नेमा बायर्न म्युनिक पनि रह्यो । उसले ह्यारी केनको दुई गोलको मदतले क्लब वर्ल्डकप च्याम्पियन चेल्सीलाई सजिलै ३–१ ले हराएको छ । एनफिल्डमा लिभरपुलका लागि एलेक्जान्डर इसाकले डेब्यु गरे र घरेलु टिमले बलियो सुरुआत लिएको थियो । &nbsp; एन्डी रोबर्टस र मोहमद सलाहले गोलले सुरुआती छ मिनेटै लिभरपुल दुई गोलले अगाडि रह्यो । त्यसपछि कार्सोस लारेन्टले एटलेटिकोका लागि दुई गोल फर्काए र खेल बराबरीमा स्थितिमा पुगेको थियो । यही बेला डोमिनिक सबोसलाईको कर्नरमा कप्तान भान डाइकले हेडबाट निर्णायक गोल गरे । आर्ने स्लट लिभरपुलले यसपल्ट आफ्ना सुरुआती पाँचै खेलमा अन्तिम दस मिनेटमा सम्भव निर्णायक गोलको मदतले जितेको छ । खेलको अन्त्यमा एटलेटिकोको प्रशिक्षक डिएगो सिमोनीलाई लिभरपुल समर्थकसँग झगडा गरेपछि रातो कार्ड देखाइएको थियो । यस्तै अर्को महत्त्वपूर्ण खेलमा इन्टर मिलानले आयाक्सको घरमा २–० को जित निकाल्यो । त्यसमा दुवै गोल मार्कस थुरामले गरेका थिए । च्याम्पियन्स लिगमा डेब्यु गरिरहेका क्लबमध्ये पाफोसले ओलम्पियाकोजलाई गोलरहित बराबरीमा रोक्यो भने बोडो/ग्लिम्टले स्लाभिया प्रागसँग २–२ को बराबरी खेल्यो ।

पीएसजीसँगै लिभरपुल र बायर्नको शानदार सुरुआत

काठमाडौं एसियाली फुटबल महासंघ (एएफसी) ले अखिल नेपाल फुटबल संघ एन्फा लाई कारबाही गर्दै १० हजार अमेरिकी डलर जरिवाना गरेको छ। एएफसीको अनुशासन र आचारसंहिता कमिटीले नेपाललाई कारबाही गर्ने निर्णय गरेको हो। त्यस कमिटीको अगस्ट २१ मा बसेको बैठकले एन्फालाई जरिवाना लगाएको हो। नेपालले एएफसी फुटसल कप २०२६ को छनोटमा भाग नलिएपछि यो कारबाही गरिएको हो। कमिटीका अनुसार एन्फाले छनोटका खेल सुरु हुन १ सय ६ दिन अगाडि नाम फिर्ता लिएको थियो। एन्फालाई प्रतियोगिताको नियमावाली ६.७ अनुसार कारबाही गरिएको हो। कारबाही अनुसार नेपालले १० हजार अमेरिकी जरिवाना यसबारे सूचना दिएको ३० दिनभित्र बुझाउनु पर्नेछ।

एन्फालाई एएफसीको १० हजार जरिवाना

नेपाल ओलम्पिक कमिटी (एनओसी) ले जापानको आइची र नागोयामा हुने २० औं एसियाली खेलकुदमा ३२ खेलका कुल ४ सय ३४ खेलाडी संख्या दर्ता गरेको बुधबार जनाएको छ । त्यसमा २ सय ३९ पुरुष र १ सय ९५ महिला खेलाडीको संख्या रहेको छ । आउँदो एसियाली खेलकुद सन् २०२६ को सेप्टेम्बर २३ देखि अक्टोबर ८ सम्म हुँदैछ । हिजो सेप्टेम्बर १६ सम्म सहभागी हुने देशले खेल र त्यसमा सहभागी हुने खेलाडीको संख्या दर्ता गर्नु पर्ने थियो । यसअघि ३० खेलमा सहभागी हुने दर्ता भएकोमा त्यसमा तेक्वान्दो र फुटबल पनि समावेश गरेर ३२ खेल पुर्‍याएको छ । यस्तै म्याराथनमा एक पुरुष र एक महिला खेलाडी संख्या पनि पठाएको छ । एनओसीले खेलाडीको खेल संख्या सहित दर्ताका लागि युवा तथा खेलकुद मन्त्रालय तथा राष्ट्रिय खेलकुद परिषदमा पत्राचार गरे पनि तिनीहरू प्रतिक्रिया नदिएको पनि जनाएको छ ।

एसियाली खेलकुदका लागि ४ सय ३४ खेलाडी संख्या दर्ता

काठमाडौं। बंगलादेशले एसीसी एसिया कप टी२० क्रिकेटमा दोस्रो जित दर्ता गरेको छ।&nbsp; अबु धाबीमा मंगलबार सम्पन्न समूह बी काे खेलमा बंगलादेशले आफगानिस्तनालाई ८ रनले पराजित गरेकाे हाे।&nbsp; बंगलादेशले दिएको १५५ रनको लक्ष्य पछ्याएको आफगानिस्तनाले पुरै ओभर खेले पनि १४६ रन मात्रै बनाउन सक्यो। आफगानिस्तानका लागि रहमानुल्लाह गुरबाजले सर्वाधिक ३५ रन बनाउँदा अज्मतुल्लाह ओमारजाईले ३० कप्तान रासिद खानले २० रन बनाउनु बाहेक अन्य ब्याटरले दोहोरो अंकमा रन बनाउन सकेनन्।&nbsp; यता, बलिङतर्फ बंगलादेशकाे लागि मुस्ताफिजुर रहमानले तीन तथा नसुम अहमद तस्किन अहमद र रसद हुसेनले समान दुई विकट हात पारे।&nbsp; त्यसअघि पहिले ब्याटिङ गरेकाे बंगलादेशले तान्जिद हसनकाे अर्धाशतकसहित ५२ रनकाे मद्यतमा निर्धारित २० ओभरमा ५ विकेट गुमाएर १५४ रन बनाएकाे थियाे। जितसँगै तीन खेलबाट चार अंक जाेडेकाे बंगलादेशकाे सुपर फाेरकाे सम्भावना काम छ भने पराजित आफगानिस्तनाकाे सम्भावना न्युन बनेकाे छ। यस समूहमा दुई खेलमा दुवै जित हासिल गरेकाे श्रीलंका शीर्ष स्थानमा छ।&nbsp;

एसिया कप: बंगलादेशको दोस्रो जित

युरोपेली च्याम्पियन्स लिगको नयाँ सिजन मंगलबार रातिदेखि सुरु भएको छ र पहिलो दिन उपाधिको बलियो प्रत्यासी रियल म्याड्रिडले जित निकाल्न संघर्ष गर्नु परेका छ । उसले केयलिन एमबापेको पेनाल्टीबाट दुई गोलको मदतले मार्सेलाई २–१ ले हराएको हो । बर्नाबाउमा मार्सेले टिमोथी वेहको गोलले २२ औं मिनेटमा अप्रत्यासित अग्रता लिएको थियो । त्यसपछि एमबापेले २८ र ८१ औं मिनेटमा गोल गरे । इंग्लिस प्रिमियर लिग क्लब आर्सनलले विजयी सुरुआत लिएको छ र उसले एथलेटिको बिलबाओलाई उसकै घरमा २–० ले पराजित गर्‍यो । त्यसमा ग्याब्रिएल मार्टिनेली र लियान्ड्रो ट्रोसार्डले गोल गरे । युभेन्ट्स र बोरुसिया डर्टमुन्डले भने आठ गोलको रोमाञ्चक ४–४ बराबरी खेले । यस्तै टोटनहमले पनि भिल्लारियलमाथि १–० को जित आत्मसात् गरेको दिन युनियन सेन्ट–गिलोस र कोराबागले पनि ऐतिहासिक जित दर्ता गरेका छन्। गिलोसले पीएसभी आयनहोभनलाई ३–१ र कोराबागले बेनफिकालाई ३–२ ले हराए । अर्को उत्तरी लन्डन क्लब टोटनहमको जितमा भने आत्मघाती गोल निर्णायक रह्यो । लुइज जुनियरले खेलको चौथो मिनेटमै आत्मघाती गोल गरेपछि भिल्लारियल निराश बनेको हो ।

रियलको जितसँगै च्याम्पियन्स लिग सुरु

काठमाडौं। जेनजी आन्दोलनका क्रममा ज्यान गुमाएका क्रिकेटर सुलभराज श्रेष्ठ प्रति मंगलबार श्रद्धाञ्जली अर्पण गरिएको छ। नेपाल खेलकुद पत्रकार मञ्च तथा नेपाल राष्ट्रिय रअन्तर्राष्ट्रिय खेलाडी संघद्वारा त्रिपुरेश्वरस्थित राष्ट्रिय खेलकुद परिषद् (राखेप) हातामा संयुक्त आयोजित कार्यक्रममा श्रद्धाञ्जली अर्पण गरिएको हो। राखेपका सदस्य–सचिव टंकलाल घिसिङ, राखेप कार्यकारी समितिका सदस्य भानबादुर चन्द, राखेपका सदस्य जगतसिंह धामी, खेलाडी संघका अध्यक्ष दीपक श्रेष्ठ, खेलकुद पत्रकार मञ्चका अध्यक्ष निरन्जन अधिकारी, ओलम्पियन संघका अध्यक्ष दीपक विष्ट, खेलाडी, सञ्चारकर्मीलगायतले सुलभप्रति भावपूर्ण श्रद्धाञ्जली अर्पण गरे। सोही अवसरमा स्व. सुलभसहित जेन– जी आन्दोलनका क्रममा शहादत प्राप्त गर्ने सम्पूर्णको सम्झनामा मौन धारण गरिएको थियो। आन्दोलनका क्रममा घाइते फुटबलर पवन शाहीसहित सम्पूर्णको शीघ्र स्वास्थ लाभको कामना गरिएको थियो।

क्रिकेटर सुलभप्रति श्रद्धाञ्जली अर्पण

काठमाडौँ । एसीसी एसिया कप अन्तर्गत सोमाबार भएको आ–आफ्नो खेलमा युएई र श्रीलंकाले विजयी हासिल गरेका छन्।&nbsp; दिनको पहिलो खेलमा युएईले ओमान ४२ रन तथा श्रीलंकाले हङकङलाई ४ विकेटले पराजित गरेको हो।&nbsp; युएईले दिएको १७३ रनको लक्ष्य पछ्याएको ओमान १८.४ ओभरमा सबै विकेट गुमाएर मात्र १३० रन बनाउन सक्यो।&nbsp; जितसँगै समूह 'ए' को युएईले दुई खेलमा दुई अंक जोडेको छ भने ओमाले लगातार दोस्रो हार ब्यहोरेको छ।&nbsp; ओमानका लागि आर्यन बिष्टले सर्वाधिक २४ रन बनाए। कप्तान जतिन्द्र सिंह र विनायक शुक्लले समान २० रन बनाउनु बाहेक अन्य ब्याटरले दोहोरो अंकमा रन बनाउन सकेन्न। यता, युएईका लागि जुनैद सिद्दिकीले चार विकेट हात पारे।&nbsp; त्यसअघि पहिलो ब्याटिङ गरेको युएईले निर्धारित २० ओभरमा ५ विकेट गुमाएर १७२ रन बनाएको थियो।&nbsp; युएईका लागि महोमद वासीमले ६९ र अलिशान शराफुले ५१ रनको अर्धशतकीय पारि खेलेका थिए।&nbsp; यस्तै, समूह 'बी' को खेलमा हङकङलाई हराएको श्रीलंकाले लगातार दोस्रो जित हासिल गर्दै शीर्ष स्थानमा उक्लिएको छ। यता लगातार तेस्रो हार ब्यहोरेको हङकङ पूछारमा छ।&nbsp;

Nepalsports

Live Match

📰 Recent News

⚽ Football Matches

📰 All News and Transfer Today

Nepalsports