दक्षिण अफ्रिकाले दोस्रो वान डेमा शुक्रबार इंग्ल्यान्डलाई पाँच रनले पराजित गर्दै तीन खेलको सिरिज जितेको छ । यस जितसँगै दक्षिण अफ्रिका २–० ले अगाडि रहेको हो ।

लर्डसको मैदानमा दक्षिण अफ्रिकाले पहिले ब्याटिङ गर्दै ५० ओभरमा आठ विकेट गुमाएर ३ सय ३० रन बनाएको थियो । त्यसमा म्याथ्यु ब्रेट्जकेले सर्वाधिक ८५ रन बनाए ।

जवाफमा इंग्ल्यान्डले नौ विकेट गुमाएर ३ सय २५ रन मात्र बनाउन सक्यो । त्यसमा जोए रुटले सर्वाधिक ६१ रनको योगदान दिए ।