बिकेनन् द हन्ड्रेडमा सन्दीप र अर्जुन

काठमाडौं- नेपाली राष्ट्रिय टिमका बलर सन्दीप लामिछाने र विकेटकिपर ब्याट्सम्यान अर्जुन साउद इंग्ल्याण्डमा आयोजना भएको १०० बलको क्रिकेट प्रतियोगिता द हन्ड्रेडमा छनोट हुन असफल भएका छन् ।

तेस्रो संस्करणका लागि प्रतियोगिताको ड्राफ्टमा नेपालबाट यी दुई खेलाडी समावेश भए पनि कुनै पनि टिमले बोली लगाएनन् ।

द हन्ड्रेडमा ८ टिम छन् । प्रतियोगिताको तेस्रो संस्करण आउने अगष्ट महिनामा आयोजना हुनेछ ।