एपिएफको लगातार दोस्रो जित

काठमाडौं- नेपाल एपिएफ क्लबले लतिलपुर मेयर्स कप महिला ट्वान्टी-२० राष्ट्रिय क्रिकेट प्रतियोगितामा लगातार दोस्रो जित निकालेको छ ।

एपिएफले कीर्तिपुरस्थित त्रिवि क्रिकेट मैदानमा भएको खेलमा सुदूरपश्चिम प्रदेशलाई १५ रनले पराजित गरेको हो ।

खेलमा १२२ रनको लक्ष्य पछ्याएको सुदूरपश्चिम प्रदेशले २० ओभरमा ६ विकेट गुमाएर १०६ रन मात्र बनाउन सक्यो। उसका लागि कविता कुवरले सर्वाधिक ५१ रन बनाउदा कविता जोशीले २६ र सम्झना खड्काले १७ रन बनाइन।

एपीएफका लागि सुमन विष्टले २ तथा कप्तान सीता राना मगर र इन्दु बर्माले समान १/१ विकेट लिईन् ।

त्यसअघि टस हारेर पहिले ब्याटिङ गरेको एपीएफले २० ओभरमा २ विकेटको क्षतिमा १२१ रन बनाएको थियो।

उसका लागि कप्तान सीता राना मगरले ५९ ५४ रन, ईन्दु बर्माले ४५ रन र ज्योती पाण्डेले १३ रन बनाइन।

यो जितसँगै एपिएफले दुई खेलमा चार अंक जोडेको छ। त्यस्तै पहिलो सुदूरपश्चिमको समान खेलबाट दुई अंक रहेको छ ।