टर्कीलाई हराएपछि पाराग्वेको सम्भावना कायम

दस खेलाडीमा सीमित पाराग्वेले शनिबार टर्कीलाई १–० ले पराजित गर्दै विश्वकप २०२६ को नकआउट चरण प्रवेशको सम्भावना कायम राखेको छ । यो नतिजाले अमेरिका समूह डी को विजेता बन्ने पनि निश्चित भएको छ ।

यस्तै टर्की भने लगातार दोस्रो हारपछि प्रतियोगिताबाट बाहिरिने दोस्रो टिम भएको छ । यसअघि हाइटीको पनि प्रतियोगितामा चुनौती समाप्त भएको थियो । पाराग्वेका लागि खेलको एक मात्र गोल माटिस गालारजाले गरे । उनले दोस्रो मिनेटमै गोलको खाता खोलेका हुन् ।

यो गोल ६३ औं सेकेन्डमै सम्भव भएको हो । यो नतिजापछि अमेरिका छ अंकमा समूहको शीर्षमा रह्यो । त्यसपछि अस्ट्रेलिया र पाराग्वे समान तीन तीन अंकमा छन् । टर्की भने शून्य अंकमै रह्यो । पाराग्वेका म्यागुएल एलमिरोनले मेर्ट मुलडुरसँग बाझिने क्रममा मुख छोपेका थिए र त्यसै क्रमलाई उनलाई रातो कार्ड देखाइएको थियो ।