पोर्ट भेलमाथि उल्भ्सको सजिलो जित

नयाँ प्रशिक्षक सिजर पेइक्सातोको नेतृत्वमा उल्भ्सले शनिबार लिगकपमा विजयी सुरुआत गरेको छ । इंग्लिस प्रिमियर लिगबाट रेलिगेसनमा परेर च्याम्पियनसिप लिगमा झरेको उल्भ्सले पोर्ट भेललाई ३–० ले हराएको हो ।

खेलका सबै गोल पहिलो हाफमा भए र ती एडम आम्सट्रङ, आन्द्रे र फेर लोपेजको नाममा रहे । लिग टुको पोर्ट भेलका लागि उल्भ्स बलियो प्रतिद्वन्द्वी सावित भयो र खासै केही गर्न सकेन् । उल्भ्ससामु यसपल्ट फेरि प्रिमियर लिगमा उक्लने चुनौती हुनेछ ।

लिग कपको पहिलो चरणका अन्य खेलमा स्टेभेन्जले वेकम्पलाई २–१ र मिडल्सब्रोले रेक्सह्यामलाई १–० ले हरायो ।