ह्विलचियर क्रिकेट एसिया कप नेपालमा भोलीदेखी

काठमाडौ- टि २० ह्विलचियर क्रिकेट एसिया कपको दोस्रो संस्करण नेपालमा भोलीदेखी सुरु हुँदैछ ।

यस प्रतियोगिता काठमाडौँको मुलपानी क्रिकेट मैदानमा हुनेछ।

प्रतियोगितामा पाकिस्तान, नेपाल,भारत, श्रीलङ्का र बङ्गलादेशको सहभागिता रहनेछ।

भोली हुने उद्घाटन खेलमा नेपालले श्रीलङ्काको सामना गर्नेछ ।

सन् २०१९ मा पहिलो संस्करण पनि नेपालले नै आयोजना गरेको थियो ।

दोस्रो संस्करणको आयोजनाको जिम्मेवारी पाकिस्तानलाई दिइएको तर भारतले राजनीतिक तनावका कारण पाकिस्तानमा खेल्न नमानेपछि नेपालले प्रतियोगिता आयोजना गर्ने अवसर पाएको हो ।