विश्वकप छनोट खेल्दै वेष्ट इन्डिज

काठमाडौ- दुईपटकको विश्वकप विजेता वेष्ट इन्डिजले भारतमा हुने वान डे विश्वकपका लागि सुपर लिगमा शीर्ष ८ मा पर्न असफल भएपछि छनोट प्रतियोगिता खेल्नुपर्ने भएको छ ।

वेष्ट इन्डिज आईसीसीको १२ पूर्ण सदस्य र एसोसिएट राष्ट्रसहित  १३ टिम सम्मिलित सुपर लिगमा शीर्ष ८ मा पर्न असफल भएको हो।

वेष्ट इन्डिजसँगै, श्रीलंका, जिम्बावे र नेदरल्याण्ड्सले पनि विश्वकप छनोट खेल्नेछन्।

लिग टु को शीर्ष तीनमा रहँदै विश्वकप छनोटमा स्थान बनाएका स्कटल्याण्ड, ओमान र नेपालले यी टिमविरुद्ध खेल्नेछन्।

विश्वकप छनोटका खेलहरु  आगामी जुन-जुलाईमा जिम्बावेमा हुनेछ । विश्वकप छनोटमा कुल १० राष्ट्रले प्रतिस्पर्धा गर्नेछन् । जसबाट फाइनल पुग्ने दुई टोली मात्र आगामी अक्टोबर-नोभेम्बरमा भारतमा हुने विश्वकपमा स्थान बनाउने छन्।