वेस्ट इन्डिजविरुद्ध नेपाल दोस्रो खेल खेल्दै

काठमाडौँ। नेपाल र वेस्ट इन्डिजबीच युनिटी टी-२० सिरिजको दोस्रो खेल हुँदैछ। युएईको शारजहा क्रिकेट स्टेडियममा हुने यो खेल नेपाली समयअनुसार राति ८:१५ बजेदेखि सुरु हुने छ।

नेपालले यस सिरिजको पहिलो खेलमा वेस्ट इन्डिजलाई १९ रनले पराजित गर्दै सिरिजमा १-० को अग्रता लिएको छ। नेपालले कुनै पनि टेस्ट खेल्ने देशलाई पराजित गरेको यो पहिलो पटक हो। नेपालले आजको खेल जितेमा सिरिज जित्ने छ। सिरिजको अन्तिम खेल मंगलबार हुँदैछ।