वालिङको लगातार दोस्रो जित

काठमाडौं । वालिङ नगरपालिकाले एन्फा महिला लिगमा लगातार दोस्रो जित हासिल गरेको छ।

सातदोबाटोस्थित एन्फा कम्प्लेक्समा सोमबार भएको खेलमा वालिङले संकटा फुटबल क्लबलाई १–० ले पराजित गरेको हो। 

जितसँगै वालिङले दुई खेलबाट ६ अंक जोडेको छ। संकटा भने अंकविहीन छ।

खेलको ३४औं मिनेटमा भिओलाको गोलमार्फत वालिङलाई सुरुआती अग्रता दिलाएकी थिइन्। त्यही गोल निर्णायक बन्यो।