लगातारको जितपछि टोटनहम अगाडि बढ्दै

लगातार जितसँगै लय समाटेको टोटनहमले इग्लिस प्रिमियर लिगमा शनिबार क्रिस्टल प्यालेसलाई २–० ले हराएको छ । यो नतिजाछि केही दिन अगाडिसम्म अंक तालिकाको पुछारमा रहेको टोटनहम आठौं स्थानमा उक्लेको छ ।

अब टोटनहमको १२ अंक भएको छ । प्यालेस भने सात अंकमा रेलिगेसन क्षेत्रमा रह्यो । टोटनहमका लागि आर्चे ग्रे र जन पउल भानले गोल गरे । अब टोटनहमले युरोपमा छनोट हुन चुनौती पेस गर्न सक्नेछ ।

यसअघि ब्राइटनले शीर्ष स्थानमा रहेको म्यानचेस्टर सिटीलाई १–० ले स्तब्ध पारेको थियो । इतिहाडमा यासिन अयारीले एक मात्र गोल गरे । यो नतिजाले उपाधि होड फेरि खुल्ला भएको छ ।

यो हारपछि भने सिटी २१ अंकमा शीर्ष स्थानमा रह्यो । उसको पछाडि आर्सनल समान अंकमा रहेको छ र आइतबार लिभरपुलको सामना गर्न एनफिल्डको भ्रमणमा निस्कदैछ ।