एलाभेजमाथि बार्सिलोनाको छ गोल

बार्सिलोनाले स्पेनी ला लिगामा शनिबार एलाभेजमाथि ६–१ को जित निकालेको छ र फेरि शीर्ष स्थानमा उक्लेको छ । क्याटलान क्लबका लागि क्याम्प नुमा राफिन्हा र लामिन यामलको दुई दुई गोल गरे ।

लगातार दुई हारपछि बार्सिलोना फेरि जितको बाटोमा फर्केको हो । बार्सिलोना यसअघि युरोपेली च्याम्पियन्स लिगमा पेरिस सेन्ट जर्मेन र ला लिगामा रियल म्याड्रिडसँग लगातार खेलमा पराजित भएको थियो ।

यसले बार्सिलोना संकटमा देखिएको थियो, तर अहिलेको जितले उसलाई धेरै राहत दिनेछ । अहिलेका लागि बार्सिलोनाको ३० अंक भएको छ ।

एटलेटिको म्याड्रिडभने दुई अंकको दूरीमा दोस्रो छ र उसले यसअघि लेभान्टेलाई २–० ले हराएर केही घण्टाका लागि शीर्ष स्थान रहेको थियो । एटलेटिकोका लागि अलेजान्ड्रो ग्रिमाल्डो र जुलियानो सिमोनीले एक एक गोल गरे ।