बेल्जियम र इजिप्ट दोस्रो चरणमा
बेल्जियम र इजिप्टले शनिबार विश्वकप २०२६ को दोस्रो चरणमा प्रवेश गरेको छ । समूह जी को शीर्ष दुई स्थानमा रहेर उनीहरू अन्तिम ३२ मा पुगेका हुन् । बेल्जियमले भ्यान्कुभरमा भएको खेलमा न्युजिल्यान्डलाई पराजित गर्यो र पाँच अंकमा शीर्ष स्थानमा रह्यो ।
इजिप्ट पनि पाँच अंकमै भए पनि गोल अन्तरमा दोस्रो स्थानमा रह्यो । इजिप्टले सियाटलमा भएको खेलमा इरानसँग नाटकीय १–१ को बराबरी खेलेको हो । इरान तीन अंकमा तेस्रो स्थानमा रह्यो र उसको अर्को चरण पुग्ने सम्भावना कायम रह्यो ।
न्युजिल्यान्ड भने एक अंकमा सीमित रह्यो र उसको प्रतियोगिताका चुनौती समाप्त भयो । बेल्जियमको प्रभावशाली जितमा लियान्ड्रो ट्रोसार्डले २८ र ५० औं मिनेटमा दुई गोल गरे । त्यस्तै केभिन डे ब्रुएनाले ६६, रोमेलु लुकाकुले ८६ र एलेक्स लेसमेकर्सले दोस्रो हाफको इन्ज्युरी पाँचौं मिनेटमा एक एक गोल थपे ।
न्युजिल्यान्डका लागि इलिज जस्टले ८४ औं मिनेटमा एक गोल गरे । इजिप्टले भने पाँचौं मिनेटमा मोहमुद साबेरले अग्रता लिएको थियो । रमिन रेजेनले इरानका लागि १४ औं मिनेटमा बराबरी गोल गरे । त्यस अगाडि मेहदी तारेमी पेनाल्टीमा गोल गर्न असफल रहे । यस्तै खेलको अन्त्यतिर सोजाए खालिजादेहको गोलले अफ साइडका कारण मान्यता पाएन् ।
| # | टिम | P | W | Pts |
|---|---|---|---|---|
| 1 | 
Nepal Women |
3 | 2 | 6 |
| 2 | 
Uzbekistan Women |
1 | 1 | 3 |
| 3 | 
Sri Lanka Women |
1 | 0 | 0 |
| 4 | 
Laos Women |
1 | 0 | 0 |
