उरुग्वे बोलिभियालाई पराजित गर्दै नकआउट चरणमा प्रवेश

काठमाण्डौं। उरुग्वे बोलिभियालाई पराजित गर्दै कोपा अमेरिकाको नकआउट चरणमा प्रवेश गरेको छ। मेटलाइफ स्टेडियम, न्यू जर्सीमा शुक्रबार बिहान सम्पन्न खेलमा बोलिभियालाई ५-० गोलले पराजित गर्दै समूह विजेता बनेर उरुग्वे नकआउट चरणमा स्थान बनाएको हो।

उरुग्वेले खेलको ८ औं मिनेटमा फाकुन्डो पेलिस्त्रीको गोलनयमा सुरूवाती अग्रता बनाएको थियो। त्यस्तै खेलको २१औं मिनेटमा नुनेजको गोलमा अग्रता दोब्बर बनाए। 

दोस्रो हाफको ७७ औं मिनेटमा म्याक्सीमिलियानोले गोल गर्दै ३-० को अग्रता दिलाए। उरुग्वे त्यतीमा नै रोकेनन् खेलको ८१ औं मिनेटमा फेद्रिकोभालभाद्रेले फाकुन्डो पेलिस्त्रीको पासमा गोल गर्दै ४-० बनाए। खेलको ८९ औं मिनेटमा रोड्रिगो बेनतानकोरको गोलमा खेल ५-० को नतिजामा पुऱ्याए। 

उरुग्वे  एक खेल अगावै नकआउट चरणमा प्रवेश गरेको हो। उरुग्वेले समूह चरणको अन्तिम खेल अमेरिकासँग खेल्ने छ। 

यस जितसंगै उरुग्वे २ खेलमा २ जित सहित ६ अंक रहेको छ भने बोलिभिया २ हार अंक विहिन रहदै पुछारमा रहेको छ।