युएईले नेपाललाई जितका लागी दियो १४१ रनको लक्ष्य

आजदेखि शुरु भएको त्रिकोणीय टी-२० सिरिजको पहिलो खेलमा युएईले नेपाललाई १४१ रनको लक्ष्य दिएको छ ।

खेलमा टस हारेर पहिला ब्याटिंग गरेको युएईले २० ओभरमा ७ विकेट गुमाएर १४० रन बनाएको हो ।

नेपालका लागि करण केसीले तीन, गुल्सन झाले दुई तथा सोमपाल कामी र अविनाश बोहराले समान एक विकेट लिए ।

युएईका लागि बसिल हमिदले ३८ बलमा चार छक्का र एक चौकाको मद्दतले सर्वाधिक ५१ रनको योगदान गरे ।

यसैगरी अली नासिरले ३२, कप्तान मोहम्मद वासिमले १७ र आसिफ खानले १५ रन बनाए ।  

यस खेलमा लेग स्पिनर श्याम ढकाल (मौसम) ले राष्ट्रिय टोलीबाट ट्वान्टी -२० अन्तर्राष्ट्रियमा डेब्यू गरेका छन् ।