शीर्ष आठमा पाँच इंग्लिस टिम

युरोपेली च्याम्पियन्स लिगको यस सिजनको लिग चरणका खेल बुधबार समाप्त भएका छन् र शीर्ष आठमा रहेर पाँच इंग्लिस टिम स्वतः अन्तिम १६ मा प्रवेश गरेका छन् । आर्सनलले शतप्रतिशत जित निकाल्दै २४ अंकमा शीर्षमा रह्यो ।

यस्तै बायर्न म्युनिक २१ अंकमा दोस्रोमा रह्यो । उनीहरू यसअघि नै सिधै अर्को चरण पुगिसकेका हुन् । त्यसपछि लिभरपुल, टोटनहम, बार्सिलोना, चेल्सी, स्पोर्टिङ लिस्वन र म्यानचेस्टर सिटी रहे । डिफेन्डिङ च्याम्पियन पेरिस सेन्ट जर्मेन (पीएसजी) र रियल म्याड्रिड भने शीर्ष आठमा रहेनन् ।

लिग तालिकाको नौदेखि २४ औं स्थानमा रहनेले अब प्ले अफ खेल्नेछ । तेस्रो स्थानमा रहन लिभरपुलले कोराबागलाई एनफिल्डमा भएको खेलमा ६–० ले हरायो ।

यस्तै बार्सिलोनाले कोपनहेगनलाई ४–१, टोटनहमले फ्रायन्कफर्टलाई २–०, सिटीले गालातासारेलाई २–०, चेल्सीले नेपोलीलाई ३–२ र लिस्वनले एथलेटिको बिलबाओलाई ३–२ ले पराजित गरे ।

रयल भने बेनफिकासँग ४–२ ले पराजित रह्यो भने पीएसजीले न्युकासल युनाइटेडसँग १–१ को बराबरी खेले । यस्तै आर्सनलले किराट आल्मातीलाई ३–२ र बायर्नले आयनहोभनलाई २–१ ले हराएको हो ।