सिटी र लिभरपुल पेनाल्टी सुटआउटमा विजयी

डिफेन्डिङ च्याम्पियन म्यानचेस्टर सिटी र लिभरपुलले बुधबार लिगकपको क्वाटरफाइनल यात्रा निश्चित गरेका छन् । दुवै टिम टाइब्रेकरमा विजयी रहेका हुन् ।

एतिहाडमा सिटी र ब्राइटनले सुरुमा २–२ को बराबरी खेले । त्यसपछिको टाइब्रेकरमा ४–३ ले विजयी रह्यो । यस्तै एनफिल्डमा भएको खेलमा निर्धारित समयको खेल १–१ को बराबरीमा टुंगेपछि लिभरपुल चेल्सीमाथि टाइब्रेकरमा ६–५ ले विजयी रहेको हो ।

यो नतिजाले अब दुवै टिम उपाधिका लागि बलियो प्रत्यासी देखिएका छन् । अन्य खेलमा क्रिस्टल प्यालसले फुलहमलाई १–०, सन्डरल्यान्डले ब्रेन्टफोर्डलाई ३–२ र बर्नमाउथले एस्टन भिल्लालाई ३–० ले पराजित गर्‍यो ।