इन्टर फेरि शीर्ष स्थानमा

इन्टर मिलान इटालीको सिरी ए मा बुधबार फेरि शीर्ष स्थानमा फर्केको छ । उसले पुछारमा रहेको भेनेजियालाई २–० ले हरायो । यस्तै स्यामुएल एमबानगलाको ह्याट्रिकको मदतले बोलोग्नोले एसी मिलानलाई ४–२ ले हरायो ।

डिफेन्डिङ च्याम्पियन इन्टर र लाजियोको समान २५ अंक रहेको छ । इन्टर गोल अन्तरले अगाडि रहेको हो । अन्य प्रमुख खेलमा जेनोआले युभेन्ट्सलाई २–० ले स्तब्ध पारेको छ भने नेपोली मोन्जामाथि ४–१ को जित रच्न सफल रह्यो ।

इन्टरको जितमा दुवै गोल आत्मघाती रह्यो । पार्मा र युडिनेजीले भने गोलरहित बराबरी खेले ।