मुख्य प्रशिक्षकमा तामाङलाई निरन्तरता

काठमाडौं । अखिल नेपाल फुटबल संघ (एन्फा)ले नेपाली राष्ट्रिय महिला टोलीको मुख्य प्रशिक्षकमा राजेन्द्र तामाङलाई निरन्तरता दिएको छ। 

एन्फाले सोमबार उनलाई मुख्य प्रशिक्षकमा निरन्तरता हो। त्यस्तै, राष्ट्रिय टोलीको सहायक प्रशिक्षकमा भगवती थापा र गोलकिपिङ प्रशिक्षकमा विनोद महर्जन नियुक्त भएका छन्।

एन्फाका महासचिव किरण राईले सोमबार सातदोबाटोस्थित एन्फा कम्प्लेक्समा नियुक्त पदाधिकारीहरुलाई नियुक्ति पत्र हस्तान्तरण गरेका थिए।

साउदी अरबमा सम्पन्न वाफ च्याम्पियनसिप उपविजेता बनेको बेला पनि नेपाली टोलीको जिम्मेवारी तामाङले नै सम्हालेका थिए।