क्यानाडालाई हराएपछि स्विट्जरल्यान्ड समूह विजेता
स्विट्जरल्यान्डले विश्वकप २०२६ को समूह बी जित्नका लागि बिहीबार क्यानाडालाई २–१ ले पराजित गरेको छ । दुवै टिम यसअघि नै नकआउट चरण पुगिसकेका थिए र लिग चरणको अन्तिम खेलले समूह विजेताको निर्णय गरेको हो ।
दोस्रो हाफको सुरुमै स्विटजरल्यान्डले रुबने भार्गसको गोलमा अग्रता लिएको थियो । उनले नै ५७ औं मिनेटमा दोस्रो गोल थपे । क्यानाडाका लागि प्रोमिस डेविडले ७६ औं मिनेटमा बराबरी गोल फर्काए । समूहको अको खेलमा बोस्निया एन्ड हर्जगोभिनाले कतारलाई ३–१ ले पराजित गर्यो ।
यो जितपछि बोस्नियाको पनि छनोटको सम्भावना कायम रह्यो । उसका लागि केरिम अलाजबेगोभिजले २९ औं मिनेटमा पहिलो गोल गरे । लगतै छ मिनेटपछि सुल्तान अल ब्रोकेले आत्मघाती गोल गरेपछि बोस्निया दुई गोलले अगाडि रह्यो ।
कतारका लागि ४३ औं मिनेटमा हसन अलले एक गोल फर्काए । तर ८३ औं मिनेटमा इरमिन माहमिजले बोस्नियाका लागि तेस्रो गोल थपे । स्विट्जरल्यान्ड सात अंकमा समूहको शीर्षमा रह्यो भने क्यानाडा चार अंकमा दोस्रोमा रह्यो ।
यस्तै बोस्निया चारै अंकमा तेस्रो रह्यो । कतार भने एकै अंकमा सीमित रह्यो । उत्कृष्ट तेस्रो टिमको आधारमा बोस्नियासामु नकआउट चरण पुग्ने सम्भावना कायम रहेको हो ।
| # | टिम | P | W | Pts |
|---|---|---|---|---|
| 1 | 
Nepal Women |
3 | 2 | 6 |
| 2 | 
Uzbekistan Women |
1 | 1 | 3 |
| 3 | 
Laos Women |
1 | 0 | 0 |
| 4 | 
Sri Lanka Women |
1 | 0 | 0 |
