‘सुपर–सिक्स’ को समीकरण पूरा

ओमानमा चलिरहेको २०२५ मेन्स ट्वान्टी ट्वान्टी वर्ल्डकप एसिया–ईएपी रिजिनल फाइनलको शुक्रबार सुपर–सिक्सको समीकरण पूरा भएको छ । नेपालससँगै आयोजक ओमान र यूएई दुई बोनस अंकसहित यो चरणमा प्रवेश गर्न सफल भएका छन् ।

त्यस्तै कतार, जापान र समाओ पनि सुपर–सिक्स पुगेका छन् । लिग चरणको समाप्तीमा प्रतियोगिताबाट बाहिरिनेमा मलेसिया, कुवेत र पपुवा न्युगिनी रहे । सुपर–सिक्सको समाप्तीमा शीर्ष तीन स्थानमा रहने टिमले अबको विश्वकपका लागि छनोट हुनेछन् ।

अब नेपालले मंगलबार हुने खेलमा यूएईको सामना गर्नेछ । त्यसपछि कतार, ओमान र समाओविरुद्ध खेल्नेछ ।