सुपरकपको फाइनल अल क्लासिको हुने

रियल म्याड्रिडले बिहीबार भएको सेमिफाइनलमा छिमेकी एटलेटिको म्याड्रिडलाई २–१ ले हराएर स्पेनिस सुपरकपको फाइनल यात्रा तय गरेको छ । अब उपाधिको भिडन्त भने अल क्लासिको हुने भएको छ ।

साउदी अरेबियाको जेद्दामा भएको दोस्रो सेमिफाइनलमा रियलका लागि फेड भाल्भेरडोले दोस्रो र रोड्रिगोले ५५ औं मिनेटमा गोल गरे । एटलेटिकोको तर्फाट एलेक्जान्डर सोरलोथले ५८ औं मिनेटमा एक गोल फर्काए ।

सबै प्रतियोगितामा गरेर रियलको यो लगातार पाँचौं जित हो र अब फाइनल आइतबार हुनेछ । सन् २०२५ को अन्त्यतिर वर्खास्तीको संघारमा पुगेका रियल प्रशिक्षका ज्याभी एलोन्सो अब भने केही बलियो स्थितिमा पुगेका छन् ।