श्रीलंकामाथि बंगलादेशको जित

काठमाडौँ। एसीसी एसिया कप २०२५ को सुपर फोरमा बंगलादेशले श्रीलंकालाई पराजित गरेको छ। 

शनिबार राति सम्पन्न खेलमा बंगलादेशले श्रीलंकालाई ४ विकेटले पराजित गरेको हो।

श्रीलंकाले दिएको १६९ रनको लक्ष्य पछाएको बंगलादेशले १९.५ ओभरमा ६ विकेट गुमाउँदै लक्ष्य पुरा गरेको थियो। 

बंगलादेशको जितमा सैफ हसनले सर्वाधिक ६१ रन बनाए भने टोवहिड हृदोयले ५८ रन बनाएका थिए। यसअघि टस हारेर पहिला ब्याटिङ गरेको श्रीलंकाले २० ओभरमा ७ विकेट गुमाउँदै १६८ रन बनाएको थियो। 

श्रीलंकाका लागि दासुन शानकाले ६४ रन बनाए भने कुसल मेन्डिसले ३४ रन बनाएका थिए। यो जितपछि बंगलादेशले सुपर फोरमा २ अंक हासिल गरेको छ। सुपर फोर अन्तर्गत आज भारत र पाकिस्तानबीच खेल हुँदैछ।