स्पेनलाई पछ्याउँदै केप भार्डे अन्तिम ३२ मा

एलेक्स बाएनाको निर्णायक गोलको मदतले स्पेनले विश्वकप २०२६ मा दस खेलाडीमा सीमित उरुग्वेलाई शुक्रबार १–० ले पराजित गरेको छ र प्रतियोगिताको अन्तिम ३२ मा प्रवेश गरेको छ । समूह ‘एच’ बाट विश्वकपमा डेब्यु गरिरहेको केभ भार्डे पनि अर्को चरण पुगेको छ ।

समूह विजेता हुने क्रममा स्पेनको सात अंक भएको छ । अर्को खेलमा केप भार्डेले साउदी अरेबियासँग गोलरहित बराबरी खेल्यो । यो नतिजा उसलाई अर्को चरण पुग्न पर्याप्त रह्यो । केप भाडेको यो लगातार तेस्रो बराबरी हो ।

यससँगै उसको तीन अंक भएको छ र केप भार्डेको लागि यो ऐतिहासिक उपलब्धी रह्यो । पूर्व विजेता रहेको उरुग्वे भने दुई अंकमै सीमित रहेर प्रतियोगिताबाट बाहिरिएको छ । साउदी अरेबिया पनि दुई अंकमै सीमित रह्यो ।

स्टाडियो ग्वाडालाराजामा भएको खेलमा स्पेनका लागि एक गोल मात्र बाएनाले ४२ औं मिनेटमा गरे । उरुग्वेका लागि भने निराशाजनक रूपमा यस विश्वकपको यात्रामा पूर्ण विराम लागेको छ । दोस्रो हाफको अन्त्यतिर अगस्टिन कानोबिओ रातो कार्डमा मैदान छाड्न बाध्य रहे ।