साम्बाको पांच गोलमा नेपालको सानदार जित

सावित्रा भण्डारी ‘साम्बा’को पांच गोलमा नेपालले इराकमाथि वाफ महिला च्याम्पियनसिपमा समूह चरणको दोस्रो खेलमा सानदार जित हात पारेको छ । पहिलो हाफमा नै ह्याट्रिक सहित चार गोल र दोस्रो हाफ ए थपेको थियो।

खेलको १४औं मिनेटमा साम्बाले रेखा पौडेलको पासमा गोल गर्दै नेपाललाई अग्रता दिलाए । त्यस्तै खेलको १६औं मिनेटमा साम्बाले नै दोस्रो गोल गरिन् । इराकी डिफेन्डरबाट बल खोसेर गोल गर्दै नेपालको अग्रता दोब्बर बनाइन् ।

खेलको ३७औं मिनेटमा पूजा रानाको क्रसमा साम्बाले हेड गर्दै ह्याट्रिक पूरा गरिन् ।

खेलको ४४औं मिनेटमा उनले अर्को गोल थपिन् । रेखाको पासमा उनले गरेको पहिलो प्रहार अल सदेइले बचाएपनि दोस्रो पटकमा गोल गर्दै उनले खेलमा व्यक्तिगत चौथो गोल गरिन् ।

त्यस्तै खेलको ८० औं मिनेटमा प्रिती राईको थ्रुबलमा साम्बाले सानदार गोल गर्दै ५-० को नतिजामा पुऱ्याइन।

नेपाल रहेको समूहमा प्यालेस्टाइन, सिरिया र इराक छन् ।यस जितसंगै नेपाल ६ अंक सहित पहिलो र प्यालेस्टाइन ३ अंकसंगै दोस्रो स्थानमा रहेको छ ।