साफ यु-२०: सेमिफाइनल समीकरण

काठमाडौं । जारी साफ यु-२० च्याम्पियनसिप २०२४ को सेमिफाइनल समीकरण पूरा भएको छ। 

शुक्रबार समूह बी को अन्तिम खेलमा भारतले माल्दिभ्सलाई १-० गोलले पराजित गरेसँगै साफको सेमिफाइनल समीकरण पूरा हो।

अब फाइनल प्रवेशको लागि समूह ए को विजेता नेपालले समूह बी को उपविजेता भुटानसँग खेल्नेछ भने अर्को सेमिफाइनलमा समूह बी को विजेता भारतले समूह ए को उपविजेता बंगलादेशसँग खेल्नेछ।

पहिलो सेमिफाइनल आइतबार नेपाल र भुटान एन्फा कम्प्लेक्समा भिड्नेछन् भने दोस्रो सेमिफाइनलमा सोमबार भारत र बंगलादेश भिड्नेछन्।

यस्तै प्रतियोगिताको फाइनल खेल बुधबार दशरथ रंगशालामा हुनेछ।