आईपीएलमा पञ्जावको लगातार दोस्रो जित

काठमाडौ- इन्डियन प्रिमियर लिग (आईपीएल) मा पञ्जाव किंग्सले राजस्थान रोयल्सलाई पराजित गर्दै लगातार दोस्रो जित निकालेको छ।

गुवाहाटीमा भएको खेलमा पन्जाबले राजस्थान रोयल्सलाई ५ रनले हराएको हो।

पन्जाबले दिएको १ सय ९८ रनको लक्ष्य पछ्याएको राजस्थानले निर्धारित २० ओभरमा ७ विकेट गुमाएर १ सय ९२ रन मात्रै बनाउन सक्यो। 

उसका कप्तान सन्जु स्यामसनले सर्वाधिक ४२ तथा सिम्रोन हेटमायरले ३६ रन बनाए । 

पन्जाबका नाथन एलिसले सर्वाधिक ४ तथा अर्शदिप सिँहले २ विकेट लिए।

त्यसअघि टस हारेर पहिला ब्याटिङ गरेको पन्जाबले निर्धारित २० ओभरमा ४ विकेट गुमाएर १ सय ९७ रन बनाएको थियो।

उसका लागी कप्तान शिखर धवन सर्वाधिक ८६ रन बनाउदा प्रभसिमरन सिंह ६० रन बनाए।

राजस्थानका लागी जेसन होल्डरले २ विकेट लिदा रविचन्द्रन आश्विन र युजभेन्द्र चहलले समाव १-१ विकेट लिए।

दुवै खेल जितेको पन्जावको चारअंक भएको छ।