पोर्चुगलको जितमा रोनाल्डोको लय

क्रिस्टियानो रोनाल्डो लयमा फर्केपछि पोर्चुगलले विश्वकप २०२६ मा बुधबार उज्वेकिस्तानलाई सजिलै ५–० ले पराजित गरेको छ । यो जितपछि पोर्चुगलको नकआउट चरण पुग्ने सम्भावना पनि बलियो भएको छ ।

खराव प्रदर्शनका कारण आलोचनाको शिकार भइरहेका रोनाल्डोले छैटौं र ३९ औं मिनेटमा गोल गरे । यस्तै नुनो मेन्डिसले १७ र राफेल लिओले ८७ औं मिनेटमा एक एक गोल थपे । अर्को एक गोल भने अब्दुभोहिड नेभेटोभोको नाममा ६० औं मिनेटमा आत्मघाती रह्यो ।

यो जितपछि पोर्चुगल चार अंकमा समूह के को शीर्षमा रह्यो । उसको पछाडि कोलम्बियाको तीन अंक छ । यस्तै डीआर कंगो भने एक अंकमा छ । उज्वेकिस्तानको भने लगातार दोस्रो हारपछि शून्य अंक छ ।