बारीको लयमा एभरटन विजय

थिएर्नो बारीको दुई गोलको मदतले एभरटनले शुक्रबार कभेन्ट्रीलाई ३–१ ले हराएको छ र अंक तालिकाको पाँचौं स्थानमा चढ्न सफल भएको छ । उत्कृष्ट लयमा रहेका बारीले दोस्रो हाफमा दुई गोल गरे ।

यसअघि यान जीबोहको गोलले कभेन्ट्रीले अग्रता लिए पनि त्यो टिक्न सकेन् । यो सिजन बारीले गरेको गोल संख्या १० पुगिसकेको छ । भिल्लारियलबाट एभरटन आएका उनले सबै प्रतियोगितामा गरेर पछिल्ला सात खेलमा छ गोल गरिसकेका छन् ।

किरनन डेवसबरी हसले एभरटनका लागि तेस्रो गोल थपे । यो जितपछि एभरटनको १० खेलबाट १६ अंक भएको छ र अर्को सिजन युरोपमा खेल्ने सपना बुन्न सक्छ । कभेन्ट्री भने नौ अंकमा १६ औं स्थानमा रह्यो ।