विभागीय डर्बी : पुलिस र आर्मीले अंक बाडे

काठमाडौं। एन्फा यु–१८ युथ लिग अन्तर्गत विभागीय डर्बीमा नेपाल पुलिस र त्रिभुवन आर्मी क्लबले बराबरी खेलेका छन्। 

सातदोबाटोस्थित एन्फा कम्प्लेक्समा मंगलबार सम्पन्नको दिनको पहिलो खेलमा दुवै टोलीले गोलरहित बराबरी खेलेका हुन्। 

योसँगै पुलिसले तीन खेलबाट दुई जित र एक बराबरीसहित सात अंक जोडेको छ। आर्मीको भने समान खेलमा एक अंक रहेको छ।

पुलिसले यसअघि थ्री स्टार क्लब र संकटा क्लबलाई पराजित गरेको थियो भने आर्मी मच्छिन्द्र र मनाङ मर्स्याङदी क्लबसँग पराजित भएको थियो।