पीएनजीद्वारा वेस्ट इन्डिजलाई १३७ रनको लक्ष्य प्रस्तुत

काठमाडौं । आइसिसी टी-२० विश्वकपमा पपुवा न्यूगिनी (पीएनजी) ले वेस्ट इन्डिजलाई १३७ रनको विजयी लक्ष्य प्रस्तुत गरेको छ।

गुयानाको प्रोभिडेन्समा टस हारेर पहिला ब्याटिङ थालेको पपुवा न्यूगिनीले निर्धारित २० ओभरमा ८ विकेट गुमाउँदै १३६ रन बनाएयो।

पपुवा न्यूगिनीका सेसे बाउले ४३ बलमा ६ चौका र १ छक्कासहित सर्वाधिक ५० रन बनाए। कप्तान असद भाला २१ र चार्ल्स अमिनी १२ र चार्ड सोपरले १० रन बनाउँदा काबुआ वागी मोरेया दुई रनमा अविजित रहे।

वेस्ट इन्डिजका अल्जारी जोसेफ र आन्द्रे रसेलले समान दुई विकेट लिए। अकील हुसेन, रोमारियो शेफर्ड र गुडाकेश मोटीले समान एक विकेट लिए।

आइतबारबाट सुरु विश्वकपमा आयोजक अमेरिकाले विजयी सुरुवात गरीसकेको छ।