एनपीएलको टिकटको मुल्य तय, सामान्यतर्फ तीन सय र भिआइपीतर्फ पाँच सय

काठमाडौं । नेपाल प्रिमियर लिग (एनपीएल)को टिकट मुल्य तोकिएको छ। 

नेपाल क्रिकेट संघ (क्यान)ले सोमबार एनपीएलको लागि टिकट मुल्य सार्वजानिक गरेको हो। 

एनपीएलको उद्घाटन खेलमा सामान्यका तर्फ ३ सय र भिआइपी तर्फ सात सय तोकिएको छ। त्यस्तै, सार्वजानिक भएको टिकट मूल्य अनुसार अन्य लिग खेलका लागि सामान्यतर्फ तीन सय र भिआइपीतर्फ लगि पाँच सय रुपैयाँ तोकिएको छ।

प्लेअफका खेल हुने दिन सामान्यतर्फ पाँच सय र भिआइपी तर्फका लागि सात सय छ भने फाइलन खेलको लागि सामान्यतर्फ पाँच सय र भिआइपीतर्फ एक हजार रुपैयाँ टिकट मूल्य रहेको छ। 

यता, सिजनल पासका लागि सामान्यतर्फ ४ हजार ४८० र भिआइपीतर्फका लागि ८ हजार २४० रुपैयाँ तोकिएको छ। यसमा क्यानले २० प्रतिशत छुट पनि दिएको छ।

पहिलो संस्करणको एनपीएल मसिंर १५ देखि पुस ६ गतेसम्म आयोजना हुँदै छ।