नेपालले इरानलाई २७४ रनले हरायो

काठमाडौँ । एसीसी यू-१९ प्रिमियर कप क्रिकेट प्रतियोगितामा बिहीबार नेपालले इरानलाई २७४ रनको विशाल अन्तरले हराएको छ। 

मलेसियामा जारी उक्त खेलमा टस हारी पहिले ब्याटिङको निम्तो पाएको नेपालले ४०.१ ओभरमा अलआउट हुनुअघि ३५३ रन बनाएको थियो। 

जवाफी ब्याटिङमा ओर्लिएको इरानले भने ३०.५ ओभरमा अलआउट हुनुअघि ७९ रनमात्र बनाउन सक्यो। 

नेपाली टोलीका बलर दीपेश कँडेलले तीन विकेट लिए। सुवास भण्डारीले पनि तीन विकेट लिए। आकाश चन्द र हेमन्त धामीले दुई-दुई विकेट हात पारे।