मलेसियालाई नेपालले २७ रनले हरायो

काठमाडौ- मलेसिया भ्रमणमा रहेको नेपली महिला क्रिकेट टिमले तेस्रो टी-२० खेलमा मलेसियालाई २७ रनले पराजित गरेको छ ।

नेपालले जितका लागी दिएको १११ रनको लक्ष्य पछाएको मलेसियाले २० ओभरमा ४ विकेट गुमाएर ८३ रन मात्र बनायो।

उसका लागी माहिराह इज्जति इस्मैलले सर्बाधिक ४४ रन बनाइन।

नेपालको लागी कबिता कुँवर, सिता राना मगर र इन्दु बर्माले समान १-१ विकेट लिए।

वाईएसडी युकेएम ओभल मैदानमा टस हारेर पहिला ब्याटिंग गरेको नेपालले पुरा ओभर खेल्दै ५ विकेटको क्षतिमा ११० रन बनाएको थियो।

नेपालका लागि कप्तान रुबिना क्षेत्रीले सर्बाधिक २७ रन बनाउदा ज्योति पाण्डेले २३, सित राना मगरले २१ र इन्दु बर्माले २० रन बनाएकि थिइन।

यो जितसंगै पाच खेलको सिरिजमा नेपालले २-१ को अग्रता बनाएको छ। पहिलो खेलमै पराजित भएको नेपालले त्यसपछि लगातार दुई खेल जितेको हो।