मलेसियालाई हराउँदै नेपाल इष्ट जोन च्याम्पियन

काठमाडौँ । एसीसी पुरुष यू-१६ इस्ट जोन कप क्रिकेटको उपाधि नेपालले जितेको छ ।

सम्पन्न फाइनलमा नेपालले घरेलु टिम मलेसियालाई २२१ रनको फराकिलो अन्तरले पराजित गरेको हो ।

नेपालले दिएको २५३ रनको लक्ष्य पक्षाएको मलेसिया १४.४ ओभरमा सबै विकेट गुमाएर ३१ रन मात्रै बनाउन सक्यो । 

यता पाहुना टोली नेपालका लागि अभिषेक तिवारीले एक्लैले ५ विकेट लिए भने सन्तोष यादवले ३ तथा सागर गैरे र स्शोक धामीले एक विकेट लिएका थिए ।

त्यसअघि टस जितेर पहिला ब्याटिंग गरेको नेपालले ३५ ओभरको खेलमा ८ विकेट गुमाउदै २५२ रन बनाएको थियो ।