महिला टोलीले साउदी वेस्ट एसियन वुमन च्याम्पियनसिप खेल्ने

नेपालले वेस्ट एसियन वुमन च्याम्पियनसिपमा सहभागीता जनाउने भएको छ । अखिल नेपाल फुटबल संघ एन्फाको आपतकालिन समितिको बैठकले साउदी अरेबियामा हुने च्याम्पियनसिपमा सहभागीता जनाउने निर्णय गरेको हो । 

वेस्टन एसियन फुटबल फेडेरेसन वुमन च्याम्पियनसिप फेब्रुअरी १९ देखि २८ गतेसम्म साउदी अरेबियामा आयोजना हुदैछ। 

यस प्रतियोगितामा साउदी अरेबिया, जोर्डन, सिरिया, प्यालेस्टिन, लेबनन्, इराक र गुवामको सहभगीता रहेको छ।

प्रतियोगितामा सहभागीताका लागि प्राप्त निमन्त्रणालाई एन्फाले स्विकार गर्दै राष्ट्रिय महिला फुटबल टिमलाई पठाउने निर्णय गरेको हो ।