एसियाली खेलकुद महिला भलिबल: नेपाल जापानसँग सिधा सेटमा पराजित

काठमाडौं। २०औं एसियाली खेलकुदअन्तर्गत महिला भलिबलको पहिलो खेलमा नेपाल जापानसँग सिधा सेटमा पराजित भएको छ।

बुधबार जापानको कोमाकीस्थित पार्क एरिनामा भएको समूह ‘ए’ को खेलमा नेपाल जापानसँग ०–३ सेटले पराजित भयो। जापानले पहिलो सेट २५–८, दोस्रो सेट २५–१२ र तेस्रो सेट २५–११ ले जित्यो ।

आयोजक जापान विश्व वरियतामा छैटौं स्थानमा रहेको र एसियाको शीर्ष टोली भएकाले खेलमा नेपालले सुरुदेखि नै दबाब महसुस गर्यो ।

यो नतिजासँगै नेपालले प्रतियोगितामा कडा चुनौतीको सामना गर्नुपर्ने देखिएको छ।