नेपाल बंगलादेशसंग पराजित

आइसिसी यु-१९ विश्वकप अन्तर्गत नेपाल सुपर सिक्सको पहिलो खेलमा बंगलादेशसँग पराजित भएको छ ।बंगलादेशले नेपाललाई पाँच विकेटले पराजित गरेको हो।

दक्षिण अप्रिकाको माङ्गाउगं ओभलमा बुधबार नेपालले  बंगलादेशलाई १ सय ७० रनको लक्ष्य दिएको थियो र उक्त लक्ष्य २५.२ ओभरमा पाँच विकेट गुमाउँदै पूरा गरेको थियो।

बंगलादेशका लागि अरिफुल स्लामले ३८ बलमा सात चौका र दुई छक्काको प्रहार गर्दै अविजित ५९ रन बनाए। यसैगरी जिसम अलामले ४३ बलमा ६ चौका र दुई छक्काको मद्दतले ५५, उस्हिकुर शिब्लीले १६, चोद्हुर रिजवानले १५ र अहर्र अमिनले १० रन बनाए ।

पहिलो विकेटका लागि जिसन र एस्हिकुरले ६७ रनको साझेदारी गरे । नेपालका लागि पाँचै विकेट सुवास भण्डारीले ४४ रन खर्चिएर लिएको थियो ।

त्यसअघि टस जितेर ब्याटिङ रोजेको नेपालले एक बल बाँकी रहँदा सबै विकेट गुमाउँदै १ सय ६९ रनको बनाएको थियो ।

नेपालका लागि  विशालविक्रम केसीले सय बलमा ६ चौको मद्दतले सर्वाधिक ४८ रन बनाए । यसैगरी कप्तान देव खनालले ३५, सुवास भण्डारीले अविजित १८ र अर्जुन कुमालले १४ रन बनाए ।

बंगलादेशका लागि रहमत ब्रोसनले ८.५ ओभरमा १९ रन खर्चिएर चार विकेट लिए । यसैगरी शेख परवेज जीवनले तीन तथा इक्वाल इमोन र मारुफ मृदले समान एक विकेट लिए ।

अब नेपालले शुक्रबार भारतको सामना गर्नेछ ।