नेपाललाई १४५ रनको लक्ष्य

काठमाडौं। अष्ट्रेलियामा जारी टप एन्ड टी २० सिरिजमा पाकिस्तानको शाहीन्सले नेपाललाई १४५ रनको लक्ष्य दिएकाे छ।  

डार्विनको मरार क्रिकेट मैदानमा टस जितेर पहिला ब्याटिङ गरेको पाकिस्तानले निर्धारित ओभरमा ९ विकेट गुमाएर १४४ रनको योगफल तयार पारेको हो। 

पाकिस्तानका लागि अब्दुल समादले २७ र यासिर खानले १८ रन बनाए। क्याप्टेन इरफान खानले नटआउट ४२ र मोहमद वासिमले २३ रनको योगदान गरे।पाकिस्तानले अन्तिम ५ ओभरमा ६१ रन बनाएको थियो।  

नेपालका लागि सोमपाल कामीले ३, दीपेन्द्र सिंह ऐरी र नन्दन यादवले समान २ विकेट लिए। कुशल भुर्तेलको नाममा एक विकेट रह्यो।

जारी प्रतियोगितामा नेपालको यो अन्तिम खेल हो।