नेपाल र थाइल्याण्ड खेल्दै

आइसिसी महिला यु-१९ विश्वकपको एसिया छनोटमा नेपालले आज थाइल्याण्डसंग पहिलो खेल खेल्दैछ । खेल युएईको द सेभेन रंगशालामा नेपाली समयअनुसार दिउसो ३ः१५ मा सुरु हुनेछ । 

उमेर समूहमा नेपाल र थाइल्याण्डबीच हालसम्म एकमात्र खेल भएको छ ।  सन् २०२२ मा विश्वकप छनोटअन्तर्गत नै भएको खेलमा थाइल्याण्डले ४९ रनको जित निकालेको थियो ।

नोभेम्बर ६ देखि १३ सम्म हुने प्रतियोगितामा यस प्रतियोगीतामा नेपाल, थाइल्याण्ड सहित  युएई र कुवेत रहेकोछ ।

सबै टोलीले एक अर्कासँग दुई खेल खेलेपछि शीर्ष स्थानमा रहने टोली विश्वकपका लागि छनोट हुनेछ ।

यु-१९ विश्वकप आगामी जनवरी १८ देखि फेब्रुअरी २ सम्म मलेसियामा हुँदैछ ।