उपाधिका लागि नेपाल र ओमान भिड्दै

काठमाडौँ– आईसीसी टी२० विश्वकप एशिया क्षेत्र छनोटको फाइनलमा नेपाल र ओमान भिड्दै छन्। 

खेल आइतबार बिहान ११ बजे त्रिवि क्रिकेट मैदानमा शुरू हुनेछ।

 घरेलु टोली नेपालले यूएईलाई ८ विकेटले हराउँदै फाइनलमा स्थान बनाएको थियो।

समूह एमा ओमानसँग ५ रनले पराजित बनेको नेपाल समूह उपविजेता बनेको थियो । 

समूह उपविजेता बनेर सेमिफाइनल पुगेको नेपालले फाइनल प्रवेशकालागि भएको खेलमा यूएईलाई हराएको थियो । 

प्रतियोगिताको फाइनल प्रवेश गरेका नेपाल र ओमान दुवै टिम अर्को वर्ष वेस्ट इन्डिजमा हुने टी ट्वान्टी विश्वकपमा छनोट भैसकेका छन् ।