पहिलो हाफ : नेपाललाई २-१ को अग्रता

काठमाडौं । साफ-२० च्याम्पियनसिपमा नेपाल बंगलादेशविरुद्ध पहिलो हाफमा २-१ को अग्रता बनाएको छ।

नेपालको लागि समीर तामाङ र निराजन धामीले पहिलो हाफमा गोल गरेर अग्रता दिलाएका हुन्।

नेपालले खेलको १७औं मिनेटमा समीर तामाङको गोलमा अग्रता बनाएको हो। त्यसको एक मिनेटपछि पुनः निराजन धामीले गोल गर्दै नेपाललाई २-० को अग्रता दिलाए। 

तर, खेलको ४२औं मिनेटमा बंगलादेशले पेनाल्टीको मौका पायो। जसमा मिरजुलले गोल गर्दै खेल २-१ को अबस्थामा ल्याए।