नेपालले नामिबियालाई १८१ रनको लक्ष्य दिएको छ

त्रिकोणात्मक टि२० सिरिज अन्तर्गत चौथो खेलमा नेपालले नामिबियालाई १ सय ८१ रनको लक्ष्य दिएको छ ।

टियु क्रिकेट मैदानमा पहिलो ब्याटिङको निम्तो पाएको नेपालले निर्धारित २० ओभरमा ८ विकेट गुमाएर १ सय ८० रन बनाए ।

नेपालका लागि सर्वाधिक रन कुशल मल्लले बनाए। उनले अविजित रहदै ३६ बलमा १ चौका र ४ छक्कासहित ५५ रनको बनाएको थियो । आरिफ २४ बलमा ४ चौकासहित ३१ रन जोड्दै आउट भए।

आसिफ शेख दोस्रो ओभरको पहिलो बलमा बेन शिकोंगोको शिकार बने । उनले २ बलमा १ रन जोडे ।

गुलशन झा १६ बलमा १ चौका र ३ छक्कासहित २६ रन जोड्दै आउट भए ।

ओपनर अनिल शाहले १७ बलमा ३ छक्का सहित २३ रन बनाए ।

दीपेन्द्र ८ बलमा २ चौकासहित १६ रन जोड्दै आउट भए । करण केसी ३ बलमा १ छक्कासहित ७ रन बनाएर पेभेलियन फर्किए ।

कप्तान रोहित ९ बलमा १० रन जोड्दै क्याच आउट भए ।