मिलानको शतप्रतिशत प्रदर्शन

एसी मिलानले इटालीको सिरी ए मा आइतबार आफ्नो शतप्रतिशत सुरुआत कायम राख्ने क्रममा भेनेजिआलाई २–० ले पराजित गरेको छ । यो जितपछि मिलानको छ अंक भएको छ र अंक तालिकाको शीर्षमा उक्लेको छ ।

गोन्जालो रामोसले ६९ औं मिनेटमा पहिलो गोल गरेपछि खेलको अन्त्यतिर रेडोने हलहलले आत्मघाती गोल गरे र मिलानको जितको औपचारिकता पूरा भएको हो ।

पोर्चुगाली खेलाडी रामोस सात करोड ४० युरोमा पेरिस सेन्ट जर्मेनबाट मिलान आएका हुन् र उनी आफ्नो नयाँ क्लबका लागि कठिन कोणबाट गोल गर्न सफल रहे । भेनेजिआको भने यो लगातार दोस्रो हार हो र शून्य अंकमा पुछारतर्फ रह्यो ।