मार्टिनेजको निर्णायक गोलमा अर्जेन्टिना नकआउट चरणमा

काठमाण्डौं । लाउटारो मार्टिनेजको निर्णायक गोलसँगै अर्जेन्टिना कोपा अमेरिका २०२४ को नकआउट चरणमा पुगेको छ।

मेटलाइफ स्टेडियम, न्यू जर्सीमा बुधबार बिहान सम्पन्न खेलमा अर्जेन्टिनाले चिलीलाई १-० गोलअन्तरले पराजित गरेको हो।

अर्जेन्टिनाका मार्टिनेजले खेलको ८८औं मिनेटमा गरेको गोल नै निर्णायक बन्यो।

जितसँगै अर्जेन्टिनाले दुई खेलबाट ६ अंक जोडेको छ। पहिलो खेलमा अर्जेन्टिनाले क्यानडालाई २-० गोलअन्तरले पराजित गरेको थियो।

चिली भने पहिलो खेलमा पेरुसँग गोलरहित बराबरीमा रोकिएको थियो।