म्यानचेस्टर सिटी ईएफएल कपबाट बाहिरियो

काठमाडौं । इंग्लिस प्रिमियर लिग च्याम्पियन म्यानचेस्टर सिटी ईएफएल कपबाट बाहिरिएको छ।

बुधबार राति तेस्रो चरणको खेलमा न्यूक्यासल युनाइटेडसँग १-० गोल अन्तरले पराजित भएसँगै सिटी प्रतियोगीताबाट बाहिरिएको हो।

न्यूक्यासल युनाइटेडको जितमा खेलको ५३औं मिनेटमा एलेक्जेन्डर इसाकले गरेको गोल नै खेलको निर्णायक गोल बनेको थियो।

न्यूक्यासलले इएफएल कपको चौथो चरणमा म्यानचेस्टर युनाइटेडको सामना गर्ने भएको छ।