लिलतपुर सिटी र विरगन्ज युनाइटेड बराबरी, विरगन्जको पहिलो अंक

नेपाल सुपर लिगमा ललितपुर सिटी र विरगन्ज युनाइटेडले अंक बीडेका छन् । मंगलबार दशरथ रंगशालामा भएको खेलमा ललितपुर सिटी र विरगन्ज युनाइटेड २–२ गोलको बराबरी खेलेको हो। विरगन्जले भने पहिलो अंक जोडेको छ। 

खेलको १० औं मिनेटमा वीरगन्जका लागि विलियम ओपोकुले गोल गरेको थियो । विरगन्जले अग्रता लिएको तेस्रो मिनेटमा नै ललितपुरले गोल फर्काएको थियो । 

ललितपुरले खेलको १३ औं मिनेटमा इमोन एजिकिलले बराबरी गोल गरे । 

त्यस्तै खेलको २७औं मिनेटमा ललितपुरले निखिल कदमको गोलबाट अग्रता २–१ को बनाएको थियो। विरगन्जका लागि खेलको ५२ औं मिनेटमा कान्त महतोले गोल गर्दै टिमलाई बराबरीमा ल्याए । 

त्यसपछि दुबै टोलीले अवसर पाएपनि गोल भने गर्न सकेनन् ।

यस बराबरीसँगै ललितपुरको ४ खेलमा ६ अंक जोड्दै अंक तालिकामा दोस्रो स्थानमा रहेछ। वीरगन्ज १ अंकसहित पुछारमा रहेछ ।