ललितपुर सिटी इलामसंग पराजित

जारी नेपाल सुपर लिगमा स्पोर्टिङ इलाम एफसीले ललितपुर सिटी एफसीलाई  पराजित गरेको छ । मंगलबार दशरथ रंगशालामा  इलामले ललितपुरलाई १-० ले पराजित गरेको हो । 

खेलको ५९औं मिनेटमा इलामले ललितपुरका ओमोलाजा करिमकसंग बल खोस्दै फोडे कमाराले गोल गरेको थियो। यस गोल पछी ललितपुरले इलामलाई  निकै दबाबमा राखेको थियो तर गोल गर्न बाट चुके । 

स्पोर्टिङ इलाम प्लेअफबाट बाहिरिएको छ भने ललितपुरलाई यस हारबाट धक्का पुगोको छ।

यस जितसँगै  इलाम ८ खेलमा ८ अंक जोड्दै अंक तालिकाको पाँचौ स्थानमा उक्लिएको छ । हार पछि ललितपुर ७ खेलमा १० अंकका साथ तेस्रो स्थानमा यथावत नै रहेको छ ।